السلام عليكم
أنا فتاة عمري 20 ملتزمة من صغري والحمد لله، قبل سنتين دخلت الجامعة، ما كلمت شبابا بالجامعة أبداً،أحياناً حد بيجي يسألنا أنا وصديقاتي شي بالدراسة وبجاوبوه فقط، بالنت كان في جروبات للكلية اللي أنا فيها، وكنت أشارك وأنزل منشورات، كنت أنزل منشورات مفيدة وبعض الأوقات يصير نقاش عام مفيد كنت أشارك بالنقاش، في شب-ملتزم وأخلاقه محترمة وبالجامعة ما بكلم بنات-لاحظو صديقاتي إنو معجب في، وكان يلمح ببعض المنشورات، ما كنت أعطي الموضوع أهمية لإنو بديش أدخل بهيك قصص، بس صار بالآخر إنو كلمني مباشرة...وانو راح يطلبني بس أصبر عليه حتى يجي الوقت اللي بقدر يطلبني فيه، هو مثل عمري وكنا سنة أولى بالجامعة لما حكالي، أنا كنت واثقة من قدرتي التحكم بانو ما أميل إلو أبداً، بعدين ما رجع كلمني بس كان ينزل بوستات أكون عارفة إنو قصدو عني، رسائل غير مباشرة، هاي البوستات خلتو يصير يكبر بقلبي غصب عني وصرت متعلقة فيه، بعدين هو قرر يترك البوستات لانها غلط و طلع من الجروب ومرة اضطر يدخل للدراسة فعاودت أنا طلعت و ضل هو..
هاي قصتي بس سؤالي هون:
هلا لما كلمني وحكالي إنو بدو ياني ورايدني بالحلال، بعتلي صورة وطلب مني تكون صورتي الشخصية عالفيس وطلب صورة يحطها، وأنا ما بعرف كيف فكرت وقتها بس تهورت وحطيتها وأعطيتو صورة يحطها وما فكرت وقتها بها الشي..وهلا صار النا سنة وشوي وأنا حاطة الصورة اللي منو وهو حاطط الصورة اللي مني.. وما بينا أي شكل من أشكال التواصل غير الصورة، بحسها مرات زي العهد بينا إنو التاني لسا متمسك فيه وبإنو راح نجتمع بالمستقبل..
سؤالي: هل استمراري في وضع الصورة اللي من هذا الشاب فيه غلط ؟ هل في وضعي للصورة معصية لله؟ أفيدوني حتى نغيرها إذا فيها معصية فنحن حريصان على أن تكون علاقتنا فقط بالحلال!
وبارك الله فيكم