2014-09-21 • فتوى رقم 69107
انا عندى 21 سنه مخطوبه من 4 شهور ومن اول الخطوبه وانا شايفه انه كويس جدا ومتدين بس اعترفلى انه كان على علاقه بواحده مطلقه وهى كانت السبب في العلاقه دى لانه دكتور وفي يوم اتصلت به وقالت ان بنتها تعبانه جدا ومش عارفه تعمل ايه وطلبت منه يروحلها البيت ولما راح مالقاش البنت وحاول يمشى بس هى مدتوش فرصه وللاسف الشيطان كان اقوى منه وبعد كده كل مايقولها يسيبوا بعض تهدده انها هتفضحه ادام اهله وفي شغله وهتخرب له حياته ولان خطيبى طيب جدا كان غصب عنه بيستمر معاها ومرتين قالتله انها حامل و بتنزل الجنين ولما اتخطبنا حاول يبعد عنها بس هى هددته انها تقولى وتبوظ الجوازه وعشان كده هو استمر معاها والعلاقه دى حصلت مرتين بعد مااتخطبنا وبعد كده عرف من اختها انها مكنتش مطلقه كانت لسه على زمة جوزها وانها كدبت عليه لما قالتله انها كانت حامل مرتين واختها نصحته يبعد عنها وقالتله متصدقش اى حاجه تقولها لك وان موضوع الحمل كان كذب وهو دلوقتى ندمان جدا وتاب لربنا وقرب من ربنا جدا وحلف على مصحف انه تاب لربنا وحتى لو انا وهو سيبنا بعض مش هيرجعلها تانى وهو ناوى يعمل عمره مخصوص عشان ربنا يقبل توبته
وانا صليت استخاره كتير جدااا وربنا هدانى انى اسامحه واحاول انسى اللى فات واكون سبب فى قربه من ربنا وانا بحاول فعلا انى انسى بس جوايه خوف فظيع خايفه هى تكون حامل فعلا ومخبيه عليه وبعد مانتجوز اتفاجىء انه عنده طفل ولازم يعترف بيه وخايفه من عقاب ربنا خايفه ربنا ميسامحوش واعيش معاه ف عذاب ياريت حضرتك تنصحنى اعمل ايه
وامنت حضرتك امانه السؤال يكون خاص وميتنشرش واسفه على الاطاله
بسم الله الرحمن الرحيم، الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا توافقي على خطوبته لك حتى تتيقني أنه نادم فعلا على ما كان منه سابقا معها، وأنه قد تركها فعلا إلى غير عودة مهما هددته بالفضيحه.
واسأل الله لكم التوفيق.
والله تعالى أعلم.