2015-06-03 • فتوى رقم 73693
السلام عليكم ورحمة الله وبركاته..
يا شيخ بإختصار أنا بنت صار عمري 24 سنه ، تخرجت من سنه من الجامعه وحالياً بالبيت عاطله عن العمل والنصيب ما عم يتم وكمان القلب مكسور ومجروح..
حاسه الدنيا كلها مسكره بوجهي ومافي شي زابط معي ، وعشان تكمل معي وضعي بالبيت سيء لأبعد حد ، إمي بتكرهني وبتعاملني اسوأ معامله وقليل ما تكون منيحه معي وأغلب الوقت بتسبني وبتدعي علي بسبب وبدون سبب وهالحكي من طول عمري مو جديد ، أبوي كان صاحبي وحبيبي ويدافع عني وكان سندي بها الحياه بس من كتر زنها براسه وعدم ذكري إله غير بكل سوء تقريباً صار متلها ، إخواني ما بحترموني ولا بعملولي حساب أبداً مع العلم إني أكبرهم..
ما بنكر إني غلطت كتير بحياتي وأنا مش ملاك بس ما عمري ضريت حدا ولا ظلمت حدا ، بالعكس ما دمرني غير طيبة قلبي وإني باخد كل شي بحسن نية .
المهم يا شيخ أنا مليت وتعبت من حياتي وتقفلت كل الحلول والأبواب بوجهي ، واللي بالبيت غضبانين علي لإني من فترة شهر تقريباً إمي اخترعت مشكله لتنكد علي كالعاده بس هالمره زودتها او يمكن انا يلي ما عاد فيني اتحمل اكتر واتحسبنت عليها بوجهها اكتر من مره ، وبس رجع ابوي عالبيت طبعاً هي شكت له وحكت له كل شي ، وصار يصرخ ويسب ويدعي مع العلم يا شيخ واقسملك إنه حتى هو من داخله عارف إنه إمي ظالمه وما بتعاملني متل اخواني ، وحاولت افهمه واحكيله اكتر من مره بس مو راضي يقتنع ولا يعترف وكل شوي بحكيلي هاي امك مو مرت ابوكي.. وطول الوقت يلمحلي عن حقوق وعقوق الوالدين.. طيب يا عالم الوالدين ما رح يحاسبهم ربنا على ظلمهم..! الوالدين ما بيغلطوا..! الأبناء مالهم حقوق على آبائهم..! تعبت وأنا احكي واسأل حالي هالأسئله واحاول افهمها لأهلي بس عبس..
المهم يا شيخ أنا مليت وتعبت من حياتي وتقفلت كل الحلول والأبواب بوجهي ، واللي بالبيت غضبانين علي لإني من فترة شهر تقريباً إمي اخترعت مشكله لتنكد علي كالعاده بس هالمره زودتها او يمكن انا يلي ما عاد فيني اتحمل اكتر واتحسبنت عليها بوجهها اكتر من مره ، وبس رجع ابوي عالبيت طبعاً هي شكت له وحكت له كل شي ، وصار يصرخ ويسب ويدعي مع العلم يا شيخ واقسملك إنه حتى هو من داخله عارف إنه إمي ظالمه وما بتعاملني متل اخواني ، وحاولت افهمه واحكيله اكتر من مره بس مو راضي يقتنع ولا يعترف وكل شوي بحكيلي هاي امك مو مرت ابوكي.. وطول الوقت يلمحلي عن حقوق وعقوق الوالدين.. طيب يا عالم الوالدين ما رح يحاسبهم ربنا على ظلمهم..! الوالدين ما بيغلطوا..! الأبناء مالهم حقوق على آبائهم..! تعبت وأنا احكي واسأل حالي هالأسئله واحاول افهمها لأهلي بس عبس..
كل فتره لازم يخترعولي مشكله حتى لو ما غلطت وبابا كل سنه لازم يعملي مشكله ونقاطع بعض عالأقل شهرين.. هاد غير إني حبيت واحد وكسرني ..
ياااااااااااااااا الله يا شيخ شو إني تعبانه ومهمومه وكرهانه هالحياه وبتمنى تخلص..
رغم إني محافظه ع صلاتي وقرآني وصيامي والأذكار ومحافظه عالاستغفار وبدعي ربنا يسامحني على أخطائي والمعاصي يلي ارتكبتها وبحب اعمل خير واساعد الناس والحمدلله محافظه على حجابي ولبسي وما إلي على حركات البنات باللبس والمكياج وأخلاقي الناس بتحلف فيها و أنا من عائله محافظه وربنا منعم على أهلي ورازقهم خير ولله الحمد..
هاي قصتي بإختصار يا شيخ واقسم بالله إنه ضاق بي الحال ومو عارفه شو اعمل لأرتاح وتتغير حياتي..
أتمنى ابداء رأيك ونصحي إذا امكن واعتذر عالإطالة..
وشكراً ..
بسم الله الرحمن الرحيم، الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
أرجو منك أن تقومي في الليل وتصلي لله تعالى، ثم تدعي لوالديك بحسن الحال، وأرجوا أن تتغير الأمور إلى الأحسن، وأن يرزقك الله تعالى بالزوج الصالح.
واسأل الله لكم التوفيق.
والله تعالى أعلم.